रौतहट । रौतहटमा ४ वर्षीया बालिका बलात्कृत गर्ने छिमेकी पक्राउ परेका छन्। गौरमा बिहीबार राति ती बालिकाको बलात्कार भएको जिल्ला प्रहरी कार्यालय राैतहटले जनाएकाे छ।

बलात्कार आरोपमा प्रहरीले गौर नगरपालिका १ मा साइकल मर्मत गर्ने ५४ बर्षका रामकिशोर मिश्रलाई पक्राउ गरेको छ । बालिकाका छिमेकी मिश्रले चकलेट बिस्कुट दिई ललाई फकाई घर नजिकै बारीमा लगी बलात्कार गरेको आरोपमा पक्राउ गरेको प्रहरीले जनाएको छ ।

बालिकाको गुप्तांगबाट अत्याधिक रक्तश्राव भएर रोइकराई गरे पछि बालिकाको ठूली आमाले सोधपुछ गर्दा घटना खुलेको थियो । बालिकाको बयानकै आधारमा जिल्ला प्रहरी कार्यालय रौतहटले मिश्रलाई पक्राउ गरेको हो ।

पीडित बालिकाको जिल्ला अस्पताल गौरमा स्वास्थ्य परीक्षण गरिएको रौतहटका प्रहरी प्रवक्ता डीएसपी नविन कार्कीले जानकारी दिए ।