काठमाडौँ। अमेरिकामा ३ नेपाली युवाले संयुक्त रुपमा १ करोड बढीको चिट्ठा जितेका छन। मेरिल्यान्ड राज्यको बाल्टिमोरका तीन नेपाली युवाहरुले एक लाख अमेरिकी डलर झन्डै अर्थात् एक करोड १४ लाख नेपाली रुपैयाँको लोटरी जितेका हुन्। 

स्क्रयाच गरेर खेलिने लोटरी ग्लेनबर्नीमा बस्ने बाग्लुङ र पर्वतका युवाहरु डोलेन्द्र पौडेल, दिपक रिजाल र जीवन शर्माले जितेका हुन् ।

सात बर्ष अगाडि अमेरिका आएका उनीहरुले टाउसनमा रहेको ईजि कन्भिनिएन्स एण्ड डेलीमा उक्त चिठ्ठा किनेका थिए । तीनैजनाले चिट्ठा कार्यालयमा गएर दावी गरेपछि कर कटाएर जनही २२, १२६ डलर ५० सेन्ट प्राप्त गरेको बताइएको छ ।

चिट्ठा नेपाली युवा १ करोड