भक्तपुरमा बसले घरमा ठक्कर दिँदा एक जनाको मृत्यु
काठमाडौंः भक्तपुरको दुवाकोटमा बसले ठक्कर दिँदा सिन्धुपाल्चोकको जुगल गाउँपालिका–६ का हिमबहादुर तामाङको मृत्यु भएको छ ।
शुक्रबार बेलुकी सरस्वतीखेलबाट खड्काडिलका लागि छुटेको बा १ ख ९०९० नम्बरको बस चाँगुनारायण नगरपालिका–१ दुवाकोटमा सडक किनारमा रहेको तामाङको अस्थायी घरमा ठोक्किँदा उनको मृत्यु भएको प्रहरीले जनाएको छ ।
दुर्घटनामा घाइते भएका ३० वर्षका तामाङको उपचारको क्रममा मृत्यु भएको हो । उकालोमा ब्रेक फेल भएर बस दुर्घटना भएको र दुर्घटनामा सामान्य घाइते भएका चालक र यात्रु उपचारपछि घर फर्किएको प्रहरीले जनाएको छ ।
भक्तपुर दुर्घटना
