काठमाडौंः माघ ९ गते तोकिएको राष्ट्रियसभा निर्वाचनका उम्मेदवारविरुद्ध आज उजुरी दिन सकिने निर्वाचन आयोगले जनाएको छ । मनोनयन दर्ता गराएका कुनै व्यक्ति उम्मेदवार हुन अयोग्य भएको कसैलाई लागेमा उनीहरुले सम्बन्धित प्रदेशमा रहेका निर्वाचन अधिकृतको कार्यालयमा उजुरी गर्न सकिने छ ।

उम्मेदवारको विरोधमा आज बिहान १० देखि दिउँसो ४ बजेसम्म उजुरी गर्न सकिने छ । मंगलबार उम्मेदवारको मनोनयनपत्र र उजुरी जाँचबुझ गरी बुधबार नामावली प्रकाशन गर्ने आयोगको कार्यतालिका छ ।

यस्तै, पुस २४ गते उम्मेदवारलाई नाम फिर्ताको समय दिइएको छ । पुस २५ गते उम्मेदवारको अन्तिम नामावली प्रकाशन गरी सोही दिन निर्वाचन चिन्ह प्रदान गर्ने निर्वाचन आयोगले जनाएको छ ।

राष्ट्रियसभा निर्वाचन