काठमाडौँ – काठमाडौँको थापागाउँमा रहेको ट्रान्सफरमरमा आगालगी भएको छ। बिहान सात बजेतिर आगलागी भएको स्थानीय बीर बहादुर थापाले बताए। उनका अनुसार ट्रान्सफरमरमा सुरुमा सानो सानो आगोको झिल्का निस्केर पछि ठुलै आगो लागेको हो। 

ट्रान्सफरमरमा आगलागीको जानकारी पाउन साथ त्यहाँ दमकल पुगेकाे हाे। प्रहरीको सहयोगमा तत्काल आगोलाई नियन्त्रणमा लिइएको हो। जसकारण ट्रान्सफरमर ठुलो क्षति हुनबाट जोगिएको छ। आगलागीका कारण ट्रान्सफरमरमा क्षति पुगेपछि त्यस वरपरको विद्युत सेवा अवरुद्ध भएको छ।