एजेन्सीः ‘१५९ यौन दुब्र्यवहारका घटनामध्ये १३६ बलात्कार गरेको अभियोगमा पक्राउ परेका ब्यक्तिलाई मुक्त गर्नु सुरक्षित हुने छैन्’ बेलायत म्यान्चेष्टरका एक जना न्यायाधीशले आफ्नो आदेशमा उल्लेख गरेका छन् । रेनहार्ड सिनागा नामक ३६ वर्षीय पुरुषलाई ब्रिटेनको म्यान्चेष्टरस्थित रात्रीकालीन मनोरञ्जनस्थल बाहिरबाट ४८ जना पुरुषलाई झुक्याएर बलात्कार गरेको अभियोगमा दोषी पाइएको छ ।

रेनहार्डले आफ्नो निवासमा लगेर औषधि खुवाई यौन आक्रमण गरेको र त्यसको भिडियो खिचेको अभियोगमा उनलाई दोषी ठहर गरिएको हो । बेलायतको न्यायिक इतिहासमा सिनागालाई अहिलेसम्मकै ‘खतरनाक बलात्कारी’ को उपमा दिइएको छ ।

स्नातकोत्तरसम्म अध्ययन गरेका रेनहार्ड सिनागा इन्डोनेसियाका नागरिक हुन् । रेनहार्ड अदालतमा उपस्थित गराइनु अघि लीड्स विश्वविद्यालयमा विद्यावारिधिमा अध्ययनरत थिए । प्रहरीले सिनागाको मोबाइल नियन्त्रणमा लिँदा प्रत्येक आक्रमणको सयौं घण्टाको भिडियो फेला पार्‍यो । म्यान्चेष्टर क्राउन अदालतले सिनागालाई आजीवन काराबासको सजाय सुनाएको छ । उक्त मुद्दाको सुनुवाइको क्रममा दोषीको पहिचान खुलाउन पहिलोपटक सोमबार अदालतमा समाचार सम्प्रेषणको प्रतिबन्ध समेत हटाइयो । सिनागाविरुद्ध ४८ ब्यक्तिले १३६ बलात्कार, १४ यौन दुब्र्यवहारको मुद्दा गरेका छन् । 

सन् २०१७ को जुन महिनामा सिनागालाई पक्राउ गरिएको थियो । सिनागाले यौन आक्रमण गर्दागर्दै एक पीडितको होस खुलेपछि सिनागालाई पन्छाएर प्रहरीमा ऊजुरी गरेकी थिइन् । त्यसमध्ये उक्त मुद्दाको अनुसन्धान सुरु गरिएको थियो । अदालतमा उनले सबै यौन क्रियाकलाप पारस्परिक सहमतिमै भएको भन्दै निदाएको अभिनय गरेर आफूलाई भिडियो खिच्न दिएको बयान दिएका थिए ।

रेनहार्ड सिनागा खतरनाक बलात्कारी बेलायती न्यायिक