नेपालमा पछिल्लो २४ घन्टामा थप ५ हजार ८ जना कोरोना संक्रमित फेला परेका छन् । यो संख्या हालसम्मकै उच्च हो । फेला परेका मध्ये २ हजार ६७२ कोरोना संक्रमित काठमाडौं उपत्यकामा भेटिएका हुन् ।

काठमाडौंमा २ हजार १ सय, ललितपुरमा ३६९ र भक्तपुरमा २ सय ३ जना संक्रमित देखिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए।

नयाँ थपिएकासहित नेपालमा कोरोना संक्रमितको संख्या १ लाख ५ हजार ६८४ पुगेको छ ।

यसैगरी पछिल्लो २४ घन्टामा कोरोनामुक्त भएर १२ सय २९ जना डिस्चार्ज भएका छन् । यो सँगै नेपालमा हालसम्म कोरोनामुक्त हुनेको संख्या ७४ हजार २५२ जना पुगेको छ ।

त्यस्तै पछिल्लो २४ घन्टामा नेपालमा थप १४ जनाको कोरोना संक्रमणबाट मृत्यु भएको छ। कोरोना संक्रमणबाट मृत्यु हुनेको संख्या ६ सय १४ पुगेको छ ।

देशभरी सक्रिय संक्रमितको संख्या हालसम्म ३० हजार ८१८ पुगेको मन्त्रालयले जनाएको छ