नेपालमा पछिल्लो २४ घन्टामा थप २ हजार ७१ जनामा कोरोना संक्रमण पुष्टि भएको छ। थपिएका कोरोनाका संक्रमितसँगै नेपालमा कोरोना संक्रमितको संख्या एक लाख ७ हजार ७ सय ५५ पुगेको छ ।

देशभरी सक्रिय संक्रमितको संख्या हालसम्म ३१ हजार ३ सय १५ पुगेको छ । जसमध्ये होम आइसोलेसनमा रहनेको संख्या १७ हजार ६ सय ६६ जना रहेका छन् ।

यसैगरी कोरोनामुक्त भएर १५ सय ५२ जना डिस्चार्ज भएका छन् । यो सँगै नेपालमा हालसम्म कोरोनामुक्त हुनेको संख्या ७५ हजार ८ सय ४ पुगेको छ ।

पछिल्लो २४ घन्टामा नेपालमा थप २२ जनाको कोरोना संक्रमणबाट मृत्यु भएको छ। कोरोना संक्रमणबाट मृत्यु हुनेको संख्या ६ सय ३६ पुगेको स्वास्थ्य तथा जनसंख्या मन्त्रालयले जनाएको छ ।