सल्यानमा वारी जोत्न नारेको गोरुको आक्रमणवाट हलिको मृत्यु भएको छ । अन्य एक जना घाईते छन् ।

शारदा नगरपालिका –११ हिवल्चाका ५१ वर्षीय टिकाबहादुर रावतको गोरुको आक्रमणवाट मृत्यु भएको हो । बारी जोत्ने क्रममा शुक्रबार उनलाई गोरुले आक्रमण गरी गम्भिर घाइते बनाएको थियो।

उपचारका क्रममा आईतवार उनको मृत्यु भएको जिल्ला प्रहरी कार्यालय सल्यानले जनाएको छ ।

मृतक रावतको पेटमा गोरुको सिङ्गले छेडेको गहिरो चोट रहेको सूचना अधिकारी लक्ष्मण वलीले जानकारी दिए । गोरुको आक्रमणबाट घाइते भएकी ५० वर्षीय गाजली रावतको सल्यान अस्पतालमा उपचार भइरहेको उनले वताए ।