बाजुराको हिमाली गाउँपालिका–५ बाट चार छोराछोरीसहित वेपत्ता भएकी महिला मध्ये २ जनाको शव फेला परेको छ ।

१० दिनअघि बेपत्ता भएका मध्ये आमा सत्ता नेपाली र छोरी सन्तोषी नेपालीको शव आइतबार कर्णाली किनारमा फेला परेको जिल्ला प्रहरी कार्यालय वाजुरका डीएसपी मदनजित महराले बताए । आमाको थितीचौर र बालिकाको शव पिलुचौर नजिक फेला परेको उनले वताए । अन्य तीन छोराछोरीको खोजी भईरहेको छ ।

रुगिन गाउँमा घर भई कवाडीमा बस्दै आएका धर्म नेपालीकी श्रीमती ३० वर्षीया सत्ता, ५ वर्षीया छोरी आरती, ४ वर्षकी सन्तोषी, २ वर्षका छोरा सम्मान र एक वर्षीया छोरी किस्मती असोज १७ गतेदेखि बेपत्ता भएका थिए । आमाले छोराछोरीसहित कवाडी नदीमा हाम फालेर आत्महत्या गरेको आशंकामा प्रहरी र स्थानीयले खोजी कार्य जारी राखेका थिए ।

घरमा खाना पकाउने विषयमा धर्म र सत्ता विच विवाद भएको थियो ।