नेपालमा पछिल्लो २४ घन्टामा थप ३ हजार ५ सय ५६ जनालाई कोरोना संक्रमण पुष्टि भएको छ। जसमध्ये काठमाडौं उपत्यकाका २ हजार १ सय २९ जना छ।

स्वास्थ्य तथा जनसंख्या मन्त्रालयका अनुसार काठमाडौंमा १ हजार ७४६ , ललितपुरमा २१६ र भक्तपुरमा १६७ जना संक्रमित भेटिएका हुन्।

प्रवक्ता डा जागेश्वर गौतमका अनुसार नयाँ थपिएका कोरोनाका संक्रमितसँगै नेपालमा कोरोना संक्रमितको संख्या १ लाख १५ हजार ३ सय ५८ पुगेको छ।

पछिल्लो २४ घन्टामा कोरोनामुक्त भएर १५ सय ३ जना डिस्चार्ज भएका छन् । यो सँगै नेपालमा हालसम्म कोरोनामुक्त हुनेको संख्या ७८ हजार ७ सय ८० जना पुगेको छ ।

त्यस्तै पछिल्लो २४ घन्टामा नेपालमा थप १८ जनाको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमणबाट मृत्यु हुनेको संख्या ६ सय ६३ पुगेको छ ।

देशभरि सक्रिय संक्रमितको संख्या हालसम्म ३५ हजार ९१५ पुगेको छ ।