नेपालमा पछिल्लो २४ घण्टामा थप ३ हजार ७४९ जनामा कोरोना संक्रमण पुष्टि भएको छ। जसमध्ये काठमाण्डौं उपत्यकाका १९ सय ३५ जना छन् । काठमाडौंमा १६ सय ९३, भक्तपुरमा १ सय ३४ र ललितपुरमा १ सय ८ जनालाई संक्रमण देखिएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए । 

योसहित हालसम्म नेपालमा संक्रमितको संख्या १ लाख २१ हजार ७४५ पुगेको छ। 

त्यसैगरी २४ घण्टामा ३ हजार ५६४ जना कोरोना संक्रमणबाट निको भएर डिस्चार्ज भएका छन् । योसँगै निको हुनेको संख्या ८४ हजार ५१८ रहेको छ ।

सोहि अवधिमा कोरोना भाइरस संक्रमणबाट थप १९ जनाको मृत्यु भएको छ । यो सँगै नेपालमा कोरोनाबाट मृत्यु हुनेको संख्या ६९४ पुगेको छ । 

देशभरी सक्रिय संक्रमितको संख्या बिहीबार अपराह्नसम्म ३६ हजार ५३३ पुगेको छ ।