स्वास्थ्य तथा जनसंख्या मन्त्रालयले सवै अस्पताललाई कारोनाका विरामीका लागि ५० प्रतिशत वेड छुट्याउन निर्देशन दिएको छ ।

मन्त्रालयको आइतबार बसेको बैठकले आईसीयू पूर्वाधारसहित ५० प्रतिशत बेड छुट्याउन निर्देशन दिने निर्णय भएको प्रवक्ता डा. जागेश्वर गौतमले वताए । यो नियम सबै निजी, सहकारी, सरकारी र सामुदायिक अस्पताललाई लागु हुनेछ।

यसअघि अस्पतालहरुलाई २० प्रतिशत र मेडिकल कलेजहरुलाई ३३ प्रतिशत बेड छुट्याउन भनिएमा संक्रमण बढेसँगै कम्तिमा ५० प्रतिशत सबै प्रकारका बेड छुट्याउन भनिएको गौतमले जानकारी दिए ।

यसैगरी, संक्रमितको डिस्चार्ज अवधि पनि घटाएको छ । पछिल्ला तीन दिनमा कोरोनाका लक्षण नदेखिए १० दिनमा डिस्चार्ज गर्न भनिएको छ । यसअघि १० दिनमा पीसीआर गर्ने र पोजेटिभ आए १४ दिनमा टेष्ट नगरी पठाउन भनिएको थियो ।