उदयपुरको कटारी नगरपालिका १४ स्थित भदौरेमा शनिवार मध्ये राती स्कारपियो दुर्घटना हुँदा ५ जनाको मृत्यु भएको छ ।

सिद्धिचरण राजमार्गवाट ९ सय मिटर तल खसेको स्कारपियो दुर्घनामा ओखलढुङ्गाको मानेभन्ज्याङ नगरपालिका ९ माधवपुरका ४६ वर्षिय रामवहादुर सार्की, सोहि स्थानका २७ वर्षिय कर्ण सार्की, तत्काल नाम ठेगाना नखुलेका ३० वर्षिया महिला तथा ३२ र ५२ वर्षिय पुरुषको घटना स्थलमै मृत्यु भएको इलाका प्रहरी कार्यालय कटारीले जनाएको छ । 

यसैगरी, चालक रुपन्देहीको त्रिदम्वा नगरपालिका १५ का २८ वर्षिय पवन खड्का, ओखलढुङ्गाको मानेभन्ज्याङ ९ माधवपुरकी १८ वर्षिया कल्पना सार्की र सोहि ठाउँकी ३१ वर्षिया कुमारी सार्की घाईते भएका छन् । उनीहरुलाई उपचारका लागि कटारी पठाईएको प्रहरीले जनाएको छ । घाईते मध्ये चाक खड्का र कल्पनाको अवस्था गम्भिर रहेको प्रहरीको भनाई छ ।

भैरहवावाट ओखलढुङ्गा जाँदै गरेको वा २० च ७१७१ नम्वरको स्कारपियो शनिवार राती करिव १ वजे व्रेक फेल भएर दुर्घटनामा परेको जिल्ला प्रहरी कार्यालय उदयपुरले जनाएको छ ।