१२ घण्टादेखि वेपत्ता कैलालीको धनगढि स्थित अस्थायी प्रहरी चौकी जुगेडाका असई गोविन्द विकको हत्या भएको छ । उनीसँगै गस्तीमा गएका प्रहरी हवल्दार रामबहादुर साउद बेपत्ता छन् ।

मोहना नदिमा फेला परेको शव असई विककै भएको एसएसपी मुकेश सिंहले वताए । उनको शव बर्दिमै फेला परेको छ । कसैले घेरा हालेर हत्या गरेको आशंका प्रहरीले गरेको छ । 

उनीहरु नेपाल–भारत सिमा क्षेत्रमा रहेको मोहना नदि क्षेत्रमा गस्तिका लागि शनिवार राती वजे मोटरसाइकल लिएर निस्केका थिए । आईतवार विहानसम्म पनि नफर्केपछि उनीहरुको खोजी सुरु भएको थियो।

प्रहरीहरु बेपत्ता भएको जानकारी पछि सुदूरपश्चिम प्रदेशका डिआइजी उत्तमराज सुवेदी घटनास्थलमा पुगेका छन् भने जिल्ला प्रहरी कार्यालयबाट प्रहरी अधिकृतसहितको टोली खोजतलासमा परिचालित भएको छ।