नयाँ शक्ति पार्टी हुँदै जनता समाजवादी पार्टीमा पुगेका डा.बाबुराम भट्टराई पार्टिको संघीय परिषद अध्यक्ष बनेका छन् ।

पार्टीको सोमवार र मंगलबार बसेको केन्द्रीय कार्यकारिणी समिति बैठकले भट्टराईलाई संघीय परिषद अध्यक्ष बनाएको पार्टीका एक नेताले वताए ।

भट्टराईका सहयोगी रोशन पोखरेलले केन्द्रीय कार्यकारिणी समिति बैठकमा भट्टराईलाई संघीय परिषद अध्यक्ष बनाउने प्रस्ताव पेश भइसकेको जानकारी दिए।

जसपामा महन्थ ठाकुर र उपेन्द्र यादव केन्द्रीय कार्यकारिणी समिति अध्यक्ष छन्। यसअघि पार्टी एकीकरण हुनु पुर्व भट्टराई समाजवादी पार्टी संघीय परिषद अध्यक्ष थिए। राष्ट्रिय जनता पार्टीसँग समाजवादीले पार्टी एकता गरेपछि जसपाको बरिष्ठ नेता मात्र वनाईएको थियो ।