नेपालमा पछिल्लो २४ घन्टामा थप २ हजार ७ सय २२ जनामा कोरोना संक्रमण पुष्टि भएको छ। यो संख्या अहिलेसम्मको सर्वाधिक हो ।

नयाँ थपिएकासहित कोरोना संक्रमितको संख्या ८२ हजार ४५० पुगेको छ।

यसैगरी पछिल्लो २४ घन्टामा ३ हजार ३ सय ७ जना कोरोना मुक्त भएका छन् । नेपालमा हालसम्म कोरोनामुक्त हुनेको संख्या ६० हजार ६ सय ९६ जना पुगेको छ ।

यस्तै सोहि अवधिमा ११ जनाको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले वताए । योसहित कोरोना संक्रमण भएका मृतकको संख्या ५२० पुगेको छ ।

नेपालमा कोरोना संक्रमण निको हुने दर ७३ दशमलव ६ प्रतिशत रहेको गौतमले जानकारी दिए ।

उपत्यकामा मात्रै १६ सय ३८ लाई संक्रमण 
काठमाडौं उपत्यकामा मात्रै थप नयाँ १ हजार ६ सय ३८ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
काठमाडौँमा १ हजार २ सय ८०, ललितपुरमा १ सय ६२ र भक्तपुरमा १ सय ९६ जना कोरोना संक्रमित भेटिएका छन् ।