धरान स्थित पिपी कोईराला स्वास्थ्य विज्ञान प्रतिष्ठानले प्रदेश सरकारसँग समन्वय नै नगरी कोरोना संक्रमितको उपचार शुल्न निर्धारण गरेकोमा मुख्यमन्त्री शेरधन राईले आपत्ति जनाएका छन् ।
 
नागरिकको उपचार गर्न भनेरै कोभिड अस्पतालका लागि १२ करोड ५० लाख दिएको, प्रतिष्ठानमै अक्सिजन प्लान्टसहित २ सय बेड विस्तार गर्ने तयारी भइरहेको र कोरोनाको निशुल्क उपचार गर्ने विषयमा सरकार आन्तरकि छलपलमै रहेका वेला आफुखुसी शुल्क निर्धारण गरेको विषयमा राईको आपत्ति छ ।

प्रतिष्ठानले कोरोना संक्रमितको पीसीआर जाँच र उपचार गर्दा दैनिक १५ हजार शुल्क र ६० हजारसम्म धरौटी राख्नुपर्ने भन्दै सूचना जारी गर्नुु जनआकांक्षा विपरीतको निर्णय भएको उनको भनाई छ । महामारीमा राज्यले निःशुल्क रूपमा नागरिकको स्वास्थ्य उपचार गर्नुपर्ने उनको धारणा छ।

प्रतिष्ठानले कात्तिक ५ गते सार्वजनिक सूचना जारी गरी भर्ना अघि नै ६० हजार रुपैया धरौटी र दैनिक १५ हजार रुपैयाँसम्म उपचार खर्च तिर्नुपर्ने जनाएको छ । प्रतिष्ठानका अस्पताल निर्देशक प्रा.डा. गौरीशंकर साहले संघीय स्वास्थ्य तथा जनसंख्या मन्त्रालयको निर्देशनअनुसार शुल्क तोकिएको बताए।