नेपालमा २४ घण्टामा थप १ हजार ९५४ जनामा कोरोना संक्रमण पुष्टि भएको छ । जसमध्ये उपत्यकामा ८४३ कोरोना संक्रमित थपिएका छन् । 

काठमाडौंमा ६९६, ललितपुरमा ११८ र भक्तपुरमा २९ जना नयाँ कोरोना संक्रमित थपिएको स्वास्थ्य तथा जनसंख्या मन्त्रालयले जनाएको छ ।

हालसम्म नेपालमा संक्रमितको संख्या १ लाख ६२ हजार ३५४ पुगेको छ । 

यसैगरी, २४ घण्टामा २ हजार ९८१ जना कोरोना संक्रमणबाट निको भएर डिस्चार्ज भएका छन् । योसँगै निको हुनेको संख्या १ लाख २१ हजार ८२४ पुगेको छ ।

देशभरी हालसम्म ३९ हजार ६४३ सक्रिय संक्रमित रहेको मन्त्रालयले जनाएको छ ।