अर्घाखाँचीका सिडिओ विष्णु पौडेल र सहायक सिडिओ बिक्रम थापालाई कोरोना संक्रमण भएको छ ।

सिडओ पौडेलका चालक र सुरक्षा गार्डलाई समेत कोरोना पुष्टि भएको छ ।

पौडेललाई ज्वरो, रूघाखोकी लागेपछि बुधबार पीसीआर परीक्षण गरिएको थियो । बिहीबार साँझ उनको रिपोर्ट पोजेटिभ आएको छ।
उनी होम आइसोलेसनमा बसेका छन् । सहायक सिडिओ थापामा कुनै लक्षण देखिएको छैन ।

बाढी र पहिरोबाट वेला उद्धार, राहत तथा पुनर्स्थापनाका लागि खटिएका पौडेललाई सोहि क्रममा संक्रमण भएको अनुमान छ ।

सिडिओ र सहायक सिडिओलाई कोरोना संक्रमण भएपनि कार्यालयका अत्यावश्यक सेवाहरु निरन्तर सञ्चालन हुने जनाईएको छ ।