नेपालमा पछिल्लो २४ घन्टामा ३ हजार ५ सय १७ जना कोरोना संक्रमित थपिएका छन्। थपिएका मध्ये 
काठमाडौं उपत्यकाका मात्रै १८ सय ८८ जना छन् ।

काठमाडौंमा १५ सय ८, भक्तपुरमा १ सय ३१ र ललितपुरमा २ सय २९ जना जना नयाँ संक्रमित थपिएको स्वास्थ्य तथा जनसंख्या मन्त्रालयले जनाएको छ ।

नयाँ थपिएका कोरोनाका संक्रमितसँगै नेपालमा कोरोना संक्रमितको संख्या १ लाख ६८ हजार २ सय ३५ पुगेको छ ।

यसैगरी पछिल्लो २४ घण्टामा कोरोनामुक्त भएर ४ हजार ९६ जना डिस्चार्ज भएका छन् । यो सँगै नेपालमा हालसम्म कोरोनामुक्त हुनेको संख्या १ लाख २८ हजार ९ सय ५८ जना पुगेको छ ।

त्यस्तै पछिल्लो २४ घन्टामा नेपालमा थप १६ जनाको कोरोना संक्रमणबाट मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या ९२० पुगेको मन्त्रालयले जनाएको छ ।