नेपाली काँग्रेसका नेता अर्जुन नरसिंह केसीलाई कोरोना संक्रमण पुष्टि भएको छ ।

कांग्रेसका १५९ जना केन्द्रियको पिसिआर परिक्षण गराउदा केसीसहित ४ जनाको रिपोर्ट पोजेटिभ आएको हो ।

काँग्रेस पार्टी कार्यालय स्रोतका अनुसार केन्द्रीय सदस्यहरु शम्भुलाल श्रेष्ठ, कल्पना चौधरीलगायतलाई पनि कोरोना संक्रमण देखिएको छ ।

आसोज १९ का लागि तय भएको केन्द्रीय कार्यसमिति बैठकका लागि  काँग्रेसका पदाधिकारी तथा केन्द्रीय सदस्यहरुको स्वाब संकलन गरिएको थियो ।

नेताहरुका सुरक्षा गार्ड, गाडी चालक र कार्यालयमा काम गर्ने सवै कर्मचारीको पनि स्वाब संकलन गरिएको थियो ।

सभापति शेरबहादुर देउवा र महामन्त्री शशांक कोइरालाको भने केही दिनअघि मात्र पिसिआर रिपोर्ट नेगेटिभ आएकाले पुनः परिक्षण नगरिएको कार्यालय श्रोतले जनाएको छ ।