अमेरिकी राष्ट्रपति डोनाल्ड ट्रम्पलाई अस्पताल भर्ना गरिएको छ । कोरोना संक्रमण पुष्टि भएपछि सावधानीका लागि उनलाई अस्पताल भर्ना गरिएको हो । 

राष्ट्रपति ट्रम्पलाई वाल्टर रिड नेशनल मिलिट्री मेडिकल सेन्टरमा लगिएको ह्वाइट हाउसले जानकारी दिएको छ ।

उनको विशेष हेलिकोप्टर मरिन–१ बाट अस्पताल लगिएको जनाईएको छ ।

यसअघि ट्रम्पले एक ट्वीट गरी आफूलाई र आफ्नी पत्नी मेलानियालाई कोरोना संक्रमण पुष्टि भएको जानकारी दिएका थिएका थिए । 

राष्ट्रपति पदको चुनावका प्रतिस्पर्धी जो बाइडेनले ट्रम्पको शीघ्र स्वास्थ्यलाभको कामना गरेका छन् ।