प्रदेश ५ को राजधानीका विषयमा असन्तुष्ट कांग्रेसका कार्यकर्ताले मुख्यमन्त्री शंकर पोखरेल सवार गाडीमा ढुंगा हानेका छन्।

भैरहवा विमानस्थलवाट बुटवलको राजमार्ग चौराहा पुगेका पोखेललाई लक्षित गरी सिद्धार्थ कटेज अगाडि ढुंगा हानीएको हो । उनी काठमाण्डौवाट विमास्थलमा ओर्लेर जाँदै थिए ।
मुख्यमन्त्री सवार गाडी र स्कर्टिङमा रहेका दुई वटा गाडी माथि ढुंगा प्रहार भएको हो ।

ढुंगा प्रहार भएपछि प्रहरीले हवाई फायर गरेको छ भने कांग्रेस युवा नेता विष्णु पोखरेल, नेविसंघका केन्द्रीय उपसभापति मुक्तिराज पौडेल, सञ्चारकर्मी कमला पाण्डेसहित आधा दर्जनलाई नियन्त्रणमा लिएको छ ।
प्रदेश राजधानी दाङ सार्ने प्रस्तावको विरोधमा कांग्रेस रुपन्देहीले जिल्ला बन्द आह्वान गरेको छ।