धादिङको नेत्रावती डबजोङ गाउँपालिका–५ मा मिनी ट्रक दुर्घटना हुँदा २ जनाको मृत्यु भएको छ । 

लपाङ्गफेदीबाट गिट्टी लिएर कोल्चेत जाँदै गरेको बा ५ ख ४७२८ नम्बरको ट्रक सडक भासिएर ४ सय मिटर तल खसेको थियो । सो दुर्घटनामा ट्रक चालक गंगाजमुना ३ का २७ वर्षीय बेगबहादु तामाङ र ट्रकमा सवार नेत्रावती डबजोङ ४ का ६६ वर्षीय दलबहादुर तामाङको मृत्यु भएको छ । गम्भिर घाईते भएका दुवैको जिल्ला अस्पताल धादिङ्गमा उपचारकै क्रममा मृत्यु भएको हो ।

सवारी धनी नेत्रावती डबजोङ २ का ५८ वर्षीय रामबहादुर तामाङ गम्भिर घाइते भएका छन् । उनलाई उपचारका लागि नेपाली सेनाको हेलिकप्टरवाट काठमाडौं पठाईएको गाउँपालिकाले जनाएको छ ।