एजेन्सी : संयुक्त राज्य अमेरिकाले कम्बोडियाको दारा साकोर परियोजनामा काम गरिरहेको चिनियाँ कम्पनीमाथि प्रतिबन्ध लगाएको छ । 

अमेरिकाको वित्त मन्त्रलायले मंगलबार कम्बोडियामा दारा सकोर पर्यटन क्षेत्रको विकासका लागि काम गरिरहेको चिनियाँ कम्पनीमाथि प्रतिबन्ध लगाएको हो । 

बेइजिङसँग वाशिङ्टनको तनाव दक्षिणपूर्वी एसियामा थप बढ्दै गएको यो पछिल्लो संकेत हो । 

ट्रेजरी विभागले चिनियाँ कम्पनी युनियन विकास समूह (यूडीजी) लाई 'कम्बोडियाको जग्गा कब्जा र ध्वस्त पार्ने' गरेको आरोप लगाएको छ । 

उक्त कम्पनीले कम्बोडियामा गल्फ कोर्स, क्यासिनो, लक्जरीलाई समेट्ने योजनामा ३६ हजार हेक्टर जमिन नियन्त्रणमा लिएको पाइएको छ । 

जसले समुद्री तटमा रहेको दारा साकोरको निर्माणका लागि आवास, एक एयरपोर्ट, र एउटा ठूलो पोर्ट क्रुज जहाजहरूका लागि पर्याप्त थियो । तर, चिनियाँ कम्पनीले क्यासिनो स्थापना गरिरहेको छ । 

ट्रेजरी विभागका अनुसार यूडीजीले कम्बोडियन कम्पनीको रूपमा संरक्षित राष्ट्रिय पार्कको जग्गा अवैधरुपमा आफ्नो नाममा दर्ता गरेको छ । उक्त कम्पनीले "कम्बोडियनहरूलाई उनीहरूको भूमिबाट जबरजस्ती निकाल्‍ने प्रयास गरिरहेको अमेरिकी वित्त मन्त्रलायले जनाएको छ ।