नेपालमा विहिवार एकै दिन  ४ हजार ३६४ जनालाई कोरोना  संक्रमण पुष्टि भएको छ । 

काठमाण्डौ उपत्यकामा मात्रै २५ सय ४० जना संक्रमित थपिएको स्वास्थ्य तथा जनसंख्या मन्त्रालयले जनाएको छ ।

काठमाडौंका २०८५ जना, ललितपुरका ३२० र भक्तपुरका १३५ जना संक्रमित फेला परेको प्रवक्ता जागेश्वर गौतमले वताए ।

योसँगै नेपालमा कोरोना संक्रमितको संख्या ९८ हजार ६१७ पुगेको छ । उनीहरुमध्ये ५९० जनाको मृत्यु भएको छ भने ७१ हजार ३४३ जना संक्रमणमुक्त भएका छन् । पछिल्लो २४ घण्टामा मात्र २ हजार ६७५ जना संक्रमणमुक्त भएको गौतमले जानकारी दिए । 

देशभर २६ हजार ६८४ संक्रिय संक्रमित छन् ।