नेपालमा  कोरोना संक्रमितको संख्या १ लाख नाघेको छ ।

पछिल्लो २४ घन्टामा फेला परेका २ हजार ५९ सहित कोरोना संक्रमितको संख्या १ लाख ६७६ पुगेको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए ।

शुक्रवार फेला परेका संक्रमित मध्ये १ हजार ४ सय ९ जना काठमाण्डौं उपत्यकाका छन् । काठमाडौंमा ११ सय १६, ललितपुरमा १६३ र भक्तपुरमा १३० संक्रमित भेटिएका छन् ।

यसैगरी पछिल्लो २४ घन्टामा १६ सय ८० जना कोरोना संक्रमण मुक्त भएका छन् । यो सँगै नेपालमा हालसम्म कोरोनामुक्त हुनेको संख्या ७३ हजार २३ पुगेको छ ।

त्यस्तै यस अवधिमा थप १० जनाको कोरोना संक्रमणबाट मृत्यु भएको छ। योसँगै नेपालमा कोरोना संक्रमणबाट मृत्यु हुनेको संख्या ६ सय पुगेको छ ।