कोरोनाभाइरस महामारीका कारणले स्थगित भएको प्राविधिक शिक्षा तथा व्यवसायीक तालीम परिषद (सिटिईभिटी) ले  विभिन्न तहका परीक्षा दसैंलगत्तै सञ्चालन गर्ने भएको छ।

स्थगित भएका परिक्षा कात्तिक तेस्रो साताबाट सञ्चालन गरिने परिषदले जानकारी दिएको छ। २०७६ चैत ६ गते र त्यसपछिका परीक्षा कोरोना महामारीका कारण रोकिएका थिए ।

परिषदबाट सञ्चालन हुने डिप्लोमा, प्रमाणपत्र तह र प्राविधिक एसएलसी तहका नियमित र आंशिक परीक्षा कोरोना महामारीले गर्दा स्थगित भएका छन्।

नेपाल सरकारले जारी गरेको स्वास्थ्य सुरक्षा मापदण्ड अपनाउँदै परीक्षाहरू सञ्चालन गर्ने तयारी गरिएको परिषदले जनाएको छ।