बालिका वलात्कार गरेको आरोपमा धरानमा दुई जना पक्राउ परेका छन् ।

धरान ४ का ३१ वर्षीय शेर बहादुर श्रेष्ठ र वडा नं. १३ का ४२ वर्षीय बिकाश मण्डललाई ईलाका प्रहरी कार्यालय धरानले पक्राउ गरेको हो ।

नाता पर्ने १७ वर्षीय बालिकालाई धम्की दिएर पटक–पटक करणी गरेको भन्दै उजुरी आएपछि धरान ४ का श्रेष्ठलाई पक्राउ गरिएको डिएसपी ज्ञानेन्द्र बहादुर बस्नेतले जानकारी दिएका छन् ।

सुनसरी  जिल्ला अदालतबाट १० दिनको म्याद थप गरी उनको वारेमा अनुसन्धान भईरहेको बस्नेतले बताए।

यसैगरी, धरान १३ का मण्डलले भने सोहि वडाकी १३ वर्षीया बालिकालाई  जबरजस्ताी करणी गरेको अभियोगमा मंगलबार पक्राउ गरिएको हो । जबरजस्ती करणी मुद्दामा अदालतबाट ५ दिनको म्याद थप गरी उनका विषयमा पनि अनुसन्धान भईरहेको बस्नेतले बताए।