प्रधानमन्त्री केपी शर्मा ओलीको ट्वीटरमा मंगलवार एकएकाएक उनलाई कोरोना संक्रमण भएर पनि विशेक भईसकेको आसयको ट्विट भयो । 

प्रधानमन्त्रीको ट्विीटर ह्याण्डलबाट ‘नयाँ व्यावसायिक यात्रामा अघि बढ्न मातृका पौडेलजीलाई सफलताको अग्रिम शुभकामना । हामी दुबैले कोरोना संक्रमण जितेपछिको पहिलो भेटमा उहाँले खुशी हुने योजना सुनाउनु हुँदा दुवै जना दंग ...!’ भनिएको छ। तर, तस्वीर भने प्रधानमन्त्रीका प्रेस सल्लाहकार सूर्य थापा र पत्रकार मात्रिका पौडेलको राखिएको छ । जानकारी अनुसार प्रधानमन्त्री ओलीको सचिवालय सदस्यहरुमा संक्रमण पुष्टि भएपनि हालसम्म उनलाई संक्रमण देखिएको छैन।

यस विषयमा सर्वत्र चासो देखियो । प्रधानमन्त्रीलाई कोरोना कहिले लाग्यो र कहिले हट्यो भन्ने अन्यौल देखियो। यसवीचमा दिनहुुँ उनीसँग भेट भएका नेकपा नेतालगायत मन्त्री, सचिव र थुप्रै नेताका विषयमा चिन्ता देखियो। 

तर, सल्लाहकारको गडबडीले प्रधानमन्त्री ओलीलाई कोरोना भएको देखिएको होकी भन्ने आशंका पनि गरिएको छ । किनकी उनका प्रेस सल्लाहकार सुर्य थापाको टाईमलाईनमा हुवहु सन्देश छ । यसविचमा प्रधानमन्त्रीको ट्विटरवाट उक्त सन्देश गायव छ। यो गडवडि कहाँवाट भयो भन्ने अहिले चासोको विषय भएको छ।