धरानमा कोरोना संक्रमणका कारण तीन दिनभित्र पति पत्निकै मृत्यु भएको छ। धरान उपमहानगरपालिका–१४ का ७४ वर्षीय पुरुष र उनकी पत्नि ६७ वर्षीया महिलाको कोरोना संक्रमणका कारण मृत्यु भएको हो ।

पुरुषको बुधबार बिहान र महिलाको गत सोमबार कोरोनाले मृत्यु भएको हो । धरान उपमहानगरपालिकाका स्वास्थ्य शाखा प्रमुख उमेश मेहताका अनुसार पतिको उपचारका लागि अस्पताल पु¥याएलगत्तै र पत्निको उपचारपछि घर ल्याइएसकेपछि मृत्यु भएको हो ।

मृतक दुबै जनालाई कार्तिक २१ गते कोरोना संक्रमण पुष्टि भएको थियो । उपचारपछि कोभिड अस्पतालमा सार्न खोज्दा महिलालाई घर लगिएको थियो। घरमै वसिरहेका वेला अचानक स्वास्थ्यमा समस्या देखिएपछि बिपी कोइराला स्वास्थ्य विज्ञान प्रतिष्ठानमा भर्ना गरिएकोमा सोहि क्रममा मृत्यु भएको जनाईएको छ ।