पैसाका लागि कोरोनाको गलत रिपोर्ट दिने भेरी अस्पतालका तीन जना कर्मचारी पक्राउ परेका छन् ।

जिल्ला प्रहरी कार्यालय बाँकेले आइसोलेसन वार्डका हेल्फर विवेक अधिकारी तथा सुरक्षाकर्मी बासुदेव जोशी र बद्री खनाललाई पक्राउ गरेको हो।

पैसाको लोभमा ‘पोजेटिभलाई नेगेटिभ र नेगेटिभलाई पोजेटिभ बनाएर पिसिआर रिपोर्ट दिएको पाईएपछि उनीहरुलाई पक्राउ गरिएको सिडिओ रामबहादुर कुरुङबाङले वताए ।

उनीहरुलाई सरकारी किर्ते र अख्तियार दुरुपयोग गरेको अभियोगमा कानुनी कारबाही हुने उनले बताए।

अस्पताल स्रोतले पनि उनीहरुले सेवाग्राहीसँग रकम लिएर केही समयदेखी गलत रिपोर्ट दिँदै आएका जनाएको छ ।