नेपालमा पछिल्लो २४ घण्टामा १ हजार ४७७ जनालाई कोरोना संक्रमण पुष्टि भएको छ।

संक्रमित मध्ये उपत्यकाका ८ सय ७ जना छन् । उपत्यकामा ३५२ महिला र ४५५ पुरुषमा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । काठमाडौंमा ६३२, ललितपुरमा १३३ र भक्तपुरमा ४२ जना नयाँ संक्रमित भएका छन् ।

यो सँगै नेपालमा कोरोना संक्रमितको संख्या २ लाख ९ हजार ७७६ पुगेको छ । 

त्यसैगरी २४ घण्टामा २ हजार ७९८ जना कोरोना संक्रमणबाट निको भएर डिस्चार्ज भएका छन् । योसँगै निको हुनेको १ लाख ७३ हजार ४३० संख्या पुगेको छ । 

यस्तै २४ घण्टामा देशभर ६ जनाको मृत्यु भएको छ । योसहित कोरोना संक्रमणबाट मृत्यु हुनेको संख्या १ हजार २२१ जना पुगेको छ ।

देशभरी सक्रिय संक्रमितको संख्या हालसम्म ३५ हजार १२५ छ ।