उदयपुरमा प्रहरीले जुवाको खालवाट आईतवार ९ जनालाई पक्राउ गरेको छ ।

त्रियुगा नगरपालिका –११ का ४९ वर्षिय प्रेम भट्टराई, ४० वर्षिय मन्दिप राई, ४० वर्षिय राजन कुमार राउत, ४१ वर्षिय मेखवहादुर राई, वडा नं. १० का २० वर्षिय ईश्वर खड्का, वडा नं. १२ का ४५ वर्षिय बलवहादुर कार्की, वडा नं. १ का ४० वर्षिय नबिन राई, वडा नं. ८ का ४२ वर्षिय पुरुषोत्तम कार्की र वडा नं. ३ का २९ वर्षिय सुनिल चौधरीलाई प्रहरीले पक्राउ गरेको हो ।

यसैगरी, प्रहरी आएको जानकारी पाएपछि फरार रहेका एबिराज राई र अनिल खड्काको खोज तलास भईरहेको जिल्ला प्रहरी कार्यालय उदयपुरले जनाएको छ। उनीहरु जुवा खालमा मोबाईल छोडेर भागेको प्रहरीको भनाई छ ।

त्रियुगा नगरपालिका –१० करमगाछि स्थित प्रेम भट्टराईको घरमा जुवा खेलि रहेको सुचनाका आधारमा जिल्ला प्रहरी कार्यालय उदयपुरबाट खटिएको प्रहरी टोलीले उनीहरुलाई पक्राउ गरेको हो ।

जुवाको खालवाट कृषि बिकास बैंकको १ लाखको चेक, नबिल बैंकको २ लाख दस हजारको चेक, २ लाख ४७ हजार ११७ रुपैयाँ नगद, १ बुङ तास, १७ थान मोबाईल, १९ थान कौडा, २ थान सुनको सिक्रि , ३ थान सुनको औंठी वरामद भएको प्रहरीले जनाएको छ ।