ललितपुरका एसएसपीलाई केपी ओलीको मतियार भन्दै धम्किको भाषामा विज्ञप्ति जारी गर्ने विप्लव समूहकी जिल्ला सेक्रेटरी पक्राउ परेकी छन्। 

प्रहरीले ललितपुरकी सेक्रेटरी ३५ वर्षीया सविता अधिकारी (विदुषी) लाई शनिबार ललितपुरकै मंगलबजार क्षेत्रबाट पक्राउ गरेको हो। उनले महानगरीय प्रहरी परिसर, ललितपुरका प्रमुख तथा प्रहरी वरिष्ठ उपरीक्षक (एसएसपी) टेकप्रसाद राईलाई विज्ञप्ति मार्फत धम्कि दिएकी थिईन।

अधिकारीले गत जेठ ३१ गते विज्ञप्ति जारी गर्दै राईलाई प्रधानमन्त्री केपी शर्मा ओली सरकारको मतियार भएको आरोप लगाएकी थिईन । ललितपुर प्रहरीले विस्फोटक पदार्थसहित बंगलामुखी क्षेत्रबाट विप्लव समूहका श्याम बज्राचार्यलाई पक्राउ गरेपछि उनले विज्ञप्ति जारी गरेकी थिईन ।

विज्ञप्तिमा नागरिकको बाँच्ने अधिकारको हनन नगर्न, चरित्र हत्या हुने खालका अभिव्यक्ति नदिन चेतावनी दिईएको थियो ।