मकवानपुरको वाग्मती गाउँपालिका–७, लामिटारमा तीन वर्षिया वालिकाको हत्या भएको छ ।

पूजामा गएकी रुबिना पाख्रिनको हत्या भएको जिल्ला प्रहरी कार्यालय मकवानपुरले जनाएको छ ।

एसपी सुशील सिंह राठौरका अनुसार पूजामा गएका बालिकाहरु बुधबार ४/५ बजेसम्म खेलिरहेका थिए, त्यसपछि पाख्रिन अचानक हराएकी थिईन। साँझ करिव ८ बजे खोलाको बगरमा अर्धबेहोसी अवस्थामा उनलाई फेला पारिएको थियो ।

उपचारका लागि हेटौंडा पुर्याएपछि चिकित्सकले उनलाई मृत घोषणा गरेको प्रहरीले जनाएको छ । वालिका फेला परेको स्थानमा भित्री बस्त्र र शरीरमा रगत लत्पतिएका कारण वलात्कार भएको वा प्रयास गरीएको हुन सक्ने आशंका गरिएको छ । 

घटनाको अनुसन्धानका लागि प्रहरीले दुई जनालाई नियन्त्रणमा लिएको छ । उनीहरुको पहिचान खुलाईएको छैन ।