गण्डकी प्रदेशका भौतिक पूर्वाधार विकास मन्त्री रामशरण वस्नेत तथा पुनर्निर्माण प्राधिकरणका सीईओ सुशील ज्ञावलीले भारत सरकारको सहयोगमा गोरखामा निर्मित तीनवटा विद्यालय भवन उद्घाटन कार्यक्रममा वहिस्कार गरेका छन् ।

भारती विदेश सचिव हर्षवद्र्धन श्रृङ्गला र राष्ट्रिय पुनर्निर्माण प्राधिकरणका सचिव रामकृष्ण सापकोटाले शुक्रवार संयुक्त रुपमा विद्यालय भवन उद्घाटन गर्ने कार्यक्रम थियो । वरियाता विवादका कारण उनीहरुले कार्यक्रम नै वहिस्कार गरेका हुन् । उनीहरु दुवै जना कार्यक्रममा उनुपस्थित भएको आयोजकले जानकारी दिए ।

आशनग्रहण तथा शुभकामना मन्तव्य व्यक्त गर्ने कार्यक्रम तालिकामा वरियता क्रम नमिलेका कारण मन्त्री बस्नेत र सीईओ ज्ञावाली कार्यक्रममा अनुपस्थित भएको श्रोतको दावी छ। 

मन्त्री बस्नेत, सीईओ ज्ञावली र भारतीय विदेश सचिव हर्षवद्र्धनले तीनवटा विद्यालय संयुक्त रुपमा उद्घाटन गर्ने पूर्वनिर्धारित कार्यक्रम थियो, अन्तिम समयमा मन्त्री र सीईओले कार्यक्रम रद्ध गरेको महालक्ष्मी माविका व्यवस्थापन समितिका अध्यक्ष शिव केशीले बताए।