प्रधानमन्त्री एवम् नेकपा अध्यक्ष केपी शर्मा ओलीले टिकटक चलाउन सुरु गरेका छन् । टिकटकमा उनको @kpsharmaoli_official नामको एकाउन्ट सञ्चालनमा आएको छ ।

युवापुस्तामा लोकप्रिय बनिरहेको भिडियो सेयरिङ एप टिकटकमा प्रधानमन्त्रीले आइतबार एकाउन्ट खोलेका हुन् । यो एकाउन्ट भेरिफाइडसमेत भइसकेको छ ।

प्रोफाइलमा प्रधानमन्त्रीको फोटो भने राखिएको छैन । अहिलेसम्म एउटा मात्र भिडियो पोष्ट भएको अकाउन्टलाई ७ हजार जनाले फलो गरेका छन् ।

पहिलो भिडियोका रुपमा प्रधानमन्त्री ओलीले गरेको भाषणको एउटा अंश पोष्ट भएको छ । यसलाई ३ लाख १८ हजार ९ सय जनाले हेरिसकेका छन् । यसमा करिव २४ हजारभन्दा लाइक्स, ७५५ कमेन्ट आएका छन् । उक्त भिडियोलाई अहिलेसम्म ५ सय ५७ जनाले सेयर गरेका छन् ।