नेपालमा पछिल्लो २४ घण्टामा थप ३ हजार ११४ जनामा कोरोना संक्रमण पुष्टि भएको छ।

योसँगै नेपालमा संक्रमितको संख्या १ लाख ७९ हजार ६१४ पुगेको स्वास्थ्य तथा जनसंख्या मन्त्रालयले जनाएको छ ।

यस्तै, २४ घण्टामा ३ हजार १४२ जना कोरोना संक्रमणबाट निको भएर डिस्चार्ज भएका छन् । योसँगै निको हुनेको १ लाख ४१ हजार १३४ संख्या पुगेको छ । 

यसअवधिमा कोरोनाबाट २४ जनाले ज्यान गुमाएका छन् । योसहित मृत्यु हुनेहरुको संख्या एक हजार नाघेको स्वास्थ्य तथा जनसंख्या मन्त्रालयले पुष्टि गरेको छ । 

हालसम्म कोरोनाबाट मृत्यु हुनेको संख्या एक हजार ४ पुगेको छ। 

मन्त्रालयका अनुसार देशभरी सक्रिय संक्रमितको संख्या ३७ हजार ४७६ छ ।