नेपालमा पछिल्लो २४ घण्टामा थप ३०५१ जनामा कोरोना संक्रमण पुष्टि भएको छ । १२ सय ९ महिला र १८ सय ४२ पुरुषमा संक्रमण पुष्टि भएको हो ।

यससँगै कुल संक्रमितको संख्या १ लाख ८५ हजार ९७४ पुगेको छ ।

यसअवधिमा ३४ सय ३० जना निको भएका छन्। संक्रमणमुक्त हुनेको कुल संख्या १ लाख ४८ हजार ४०८ पुगेको छ ।

यस्तै, पछिल्लो २४ घण्टामा थप १८ जनाले कोरोना संक्रमणका कारण ज्यान गुमाएका छन् । योसहित हालसम्म कोरोनाबाट मृत्यु हुनेको संख्या १ हजार ५२ पुगेको छ ।

हाल देशभर सक्रिय संक्रमित ३६ हजार ५१४ जना रहेको स्वास्थ्य तथा जनसंख्या मन्त्रालयले जनाएको छ ।