अर्कैसँग भागेकी पत्निलाई सोलुखुम्वुका एक युवकले खुकुरीले हानेर हत्या गरेका छन् ।

सोताङ गाउँपालिका–३ मा २९ वर्षीय होमबहादुर राईले पत्नि २८ वर्षीया सोमा लामालाई खुकुरीले प्रहार गरी हत्या गरेका हुन् । लामो घटनास्थलमै ज्यान गएको सोलुखुम्बु प्रहरीले जनाएको छ ।

होमबहादुर र सोमाविच ०७७ वैशाखदेखि सम्वन्ध विग्रिएको थियो । सोमा स्थानीय २७ वर्षीय नन्दराज राईसँग सँगै बस्दै आएको खुलेको छ । स्थानीय कुमार राईको घरमा बुधबार साँझ भेट भएपछि दुवै विच विवाद भएको र रिसको आवेगमा होमबहादुरले सोमा माथि खुकुरी प्रहार गरेको प्रहरीले जनाएको छ ।

टाउको तथा शरीरका अन्य विभिन्न भागमा चोट लागेपछि उनको घटनास्थलमै मृत्यु भएको जिल्ला प्रहरी कार्यालय सोलुखुम्बुका सूचना अधिकारी महेन्द्र दर्नालले जानकारी दिए ।

इलाका प्रहरी कार्यालय सोताङका इन्स्पेक्टर अनिल माबोहाङको टोलीले होमबहादुरलाई पक्राउ गरेको छ ।