नेपालमा पछिल्लो २४ घण्टामा थप २ हजार ९ सय ९ जनामा कोरोना संक्रमण पुष्टि भएको छ । जसमध्ये काठमाडौं उपत्यकामाका १ हजार ३३८ जना छन् । 

काठमाडौंमा १ हजार ३०, भक्तपुरमा १२१ र ललितपुरमा १८७ जना नयाँ संक्रमित थपिएको स्वास्थ्य तथा जनसंख्या मन्त्रालयले जनाएको छ ।

योसँगै नेपालमा संक्रमितको संख्या १ लाख ८८ हजार ८८३ पुगेको छ ।

त्यसैगरी २४ घण्टामा ४ हजार ५ सय जना कोरोना संक्रमणबाट निको भएर डिस्चार्ज भएका छन् । योसँगै निको हुनेको १ लाख ५२ हजार ९०८ संख्या पुगेको छ ।

यस अवधिमा कोरोना संक्रमणबाट थप १८ को मृत्यु भएको छ। योसँगै नेपालमा हालसम्म कोरोना संक्रमणबाट मृत्यु हुनेको संख्या १ हजार ७० जना पुगेको मन्त्रालयले जानकारी दिएको छ ।

हालसम्म देशभर ३४ हजार ९ सय ५ जना सकृय संक्रमित छन्।