नेकपाका अध्यक्ष तथा प्रधानमन्त्री केपी शर्मा ओलीले पुस्पकमल दाहाल प्रचण्ड जसरी पनि पार्टी फुटाउने उदेश्यले अघि वढेको वताएका छन् । वरिष्ठ नेता माधवकुमार नेपाल र उनी निकट नेताहरुसँग आईतवार भएको भेटवार्तामा ओलीले यस्तो वताएका हुन् ।

नेकपा फुटको संघारमा पुगेकाले बचाउन उनले हारगुहार गरेको श्रोतले जनाएको छ । विगतदेखि पार्टीमा देखिएको समस्या र प्रचण्डको वर्तमान कार्यशैलीका विषयमा नेपाल समूहका नेताहरुलाई जानकारी गराउँदै उनले जसरी पनि पार्टी जोगाउन आग्रह गरेका थिए ।

अध्यक्षद्वय ओली र प्रचण्डविच शनिवार विहान भएको भेटमा चर्काचर्की भएको थियो । यस वाहेक सचिवालयका पाँचजना नेताले दुईदिनभित्रमा सचिवालय बैठक बोलाउन पत्र थमाएको भोलीपल्ट नै ओलीले नेपाललाई छलफलका लागि वोलाएका हुन् ।

नेपाल लगायतका नेताहरुले भने अध्यक्ष र प्रधानमन्त्रीको हैसियतमा निर्णायक भूमिका भएकाले सहमतिको पहल थाल्न ओलीलाई आग्रह गरेको एक सहभागिले वताए । सिंगो पार्टीलाई एकताबद्ध हुने गरी काम गर्न र समस्याको समाधान पार्टीको बैठकबाटै खोज्न उनीहरुले ओलालाई सुझाव दिएका छन् ।

छलफलमा नेता नेपाल, भीम रावल, सुरेन्द्र पाण्डे र रघुजी पन्त सहभागि थिए ।