नेपालमा पछिल्लो २४ घन्टामा २ हजार ५ सय ७१ जनामा कोरोना संक्रमण पुष्टि भएको छ। थपिएका मध्ये काठमाडौँ उपत्यकामा मात्रै १ हजार ४ सय २८ जना छन्।

काठमाडौँमा १ हजार १ सय ३६, भक्तपुरमा ९१ र ललितपुरमा २ सय १ जना संक्रमित थपिएको स्वास्थ्य तथा जनसंख्या मन्त्रलयले जनाएको छ । यो सँगै नेपालमा कोरोनाका संक्रमितको संख्या १ लाख ९७ हजार २४ पुगेको छ ।

यसअवधिमा १ हजार ७ सय ९८ जना कोरोना मुक्त भएर डिस्चार्ज भएका छन् । हालसम्म कोरोनामुक्त हुनेको संख्या १ लाख ५९ हजार ७ सय २४ जना पुगेको छ । 

पछिल्लो २४ घन्टामा नेपालमा थप १८ जनाको कोरोना संक्रमणबाट मृत्यु भएको छ। योसँगै नेपालमा कोरोना संक्रमणबाट मृत्यु हुनेको संख्या १ हजार १ सय २६ पुगेको मन्त्रालयले जनाएको छ ।