स्रोत नखुलेको १६ लाख रुपैयाँसहित सोमवार एक भारतीय नागरिक विरगञ्जवाट पक्राउ परेका छन् ।

वीरगन्ज महानगरपालिका ७ माईस्थान अगाडिबाट भारतको विहार स्थित रक्सौलका निवासी कृष्णकुमार जैन पक्राउ परेका हुन्। ना ६४ प ९०५६ नम्बरको मोटरसाइकल र १६ लाख रूपैयाँसहित उनलाई प्रहरीले पक्राउ गरेको डिएसपी मनोजित कुँवरले जानकारी दिए ।

अवैध वित्तीय कारोबार (हुण्डी) भइरहेको भन्ने जानकारी आएपछि खटिएको प्रहरी टोलीले उनलाई पक्राउ गरेको कुँवरको भनाई छ ।

बैंक तथा वित्तीय ऐन सम्बन्धी कसुरमा म्याद थप गरी उनको वारेमा थप अनुसन्धान भइरहेको प्रहरीले जनाएको छ ।