सनातन संस्कृति समाज नेपालले बिहीबार वैदिक सनातन हिन्दु राष्ट्र घोषणाको माग गर्दै काठमाडौंमा प्रदर्शन गरेको छ ।

माइतीघरदेखि नयाँ बानेश्वरसम्म भएको विरोध प्रदर्शनमा सहभागिहरुले संवैधानिक राजसंस्था स्थापनाको माग समेत गरेका थिए । पृथ्वी नारायण शाहको नेतृत्वमा एकिकरण भएको नेपाललाई अखण्ड राख्नुपर्ने उनीहरुको माग छ। 

यसअघि राष्ट्रिय नागरिक आन्दोलन समितिले मंसिर २० गते माइतीघर मण्डलादेखि नयाँ बानेश्वरसम्म प्रदर्शन गरेको थियो ।

यसैगरी, राष्ट्रिय शक्ति नेपालले मंसिर १५ गते राजतन्त्रको पक्षमा प्रदर्शन गरेको थियो ।