भारतीय सत्तारूढ दल भारतीय जनता पार्टी(भाजपा) का विदेश विभाग प्रमुख विजय चौथाइवाले विहिवार प्रधानमन्त्री एवम् नेकपाका अध्यक्ष केपी शर्मा ओलीसँग भेट गरेका छन् ।

प्रधानमन्त्री निवास बालुवाटारमा प्रधानमन्त्री ओली र चौथाइवाबीच भेट भएको हो। उनीहरुको भेटका क्रममा अर्थमन्त्री विष्णु पौडेल पनि सहभागी भएका थिए।

प्रधानमन्त्री ओली र चौथाईवाको भेटमा दुई देशको जनस्तरको सम्बन्ध विस्तार गर्ने बारेमा सामान्य कुराकानी भएको सचिवालय श्रोतले जनाएको छ । 

यसअघि भारतीय विदेश सचिव हर्षवद्धन श्रींगला मंसिर ११ गते नेपाल आएका थिए। भने त्यअघि भारतीय गुप्तचर संस्था रिसर्च एन्ड एनालाइसिस विङ (रअ) का प्रमुख समान्तकुमार गोयलले प्रधानमन्त्रीसँग भेट गरेका थिए ।