जंगली हात्तीको आक्रमणमा परी सप्तरी र सुनसरीमा एक/एक जनाको मृत्यु भएको छ ।

आईतवार राती साढे १ वजे जंगलवाट गाउँ पसेका जंगली हात्तीका कारण सप्तरीको सुरुङा नगरपालिका–३ दौलतपुरका ७० वर्षिय सिताराम साहको मृत्यु भएको छ । सौचालय जान घर वाहिर निस्केका साह २ वटा हात्ती देखेपछि भाग्ने क्रममा लडेर वेहोस भएका थिए ।

उनलाई उपचारका लागि सिराहाको लहान स्थित सप्तऋषी अस्पताल भर्ना गरिएको थियो । सोहि क्रममा विहान ४ वजे उनको मृत्यु भएको ईलाका प्रहरी कार्यालय कडरबोनाले जनाएको छ ।

यसैगरी, सुनसरीको कोशी गाउँपालीकामा कोशी टप्पु वन्यजन्तु आरक्षबाट निस्केर आएको मकुना हात्तीको आक्रमणबाट एकजनाको मृत्यु भएको हो ।

आइतबार राति कोशी टप्पु वन्यजन्तु आरक्षबाट निस्केर आएको हात्ती सोमबार बिहान फर्किने क्रममा कोशी गाउँपालीका वार्ड नम्बर ६ श्रीपुर घरभइ वार्ड ७ स्थित हरिपुरमा खेतमा काम गरिरहेका बेला हात्तीले आक्रमण गर्दा २८ वर्षिय प्रमोद यादवको मृत्यु भएको स्थानीयले जानकारी दिए ।