माछा मार्ने विषयमा झडप : एक महिलाको मृत्यु, ४ जना घाईते
सप्तरीको बोदेबरसाईन नगरपालिका–३ कुशमारटोलमा आईतवार राती ९ वजे दुई समुहविच भएको झडपमा एक महिलाको मृत्यु भएको छ ।
सार्वजनिक पोखारीको माछा मार्ने बिषयमा भएको झडमा परी स्थानीय रामपृत मण्डलकी पत्नि ३५ वर्षिया गंगियादेबीका घटनास्थलमै मृत्यु भएको प्रहरीले जनाएको छ । झडपमा ५५ वर्षिय जयनारायण मण्डल, ३५ वर्षिय सोबिन्द्र मण्डल, १८ वर्षिय धिरज मण्डल र ४५ वर्षिय जोगिन्द्र मण्डल घाईते भएका छन् ।
टाउँकोमा चोट लागेका सवैलाई उपचारका लागि सिरहाको लहान स्थित कामना नर्सिङ होममा भर्ना गरिएको छ ।
बोदेबरसाईन नगरपालिका–३ का ५० वर्षिय शिवसरण मण्डल, ४७ वर्षिय बिजय मण्डल, २२ वर्षिय मण्डल र २८ वर्षिय रबित मण्डललाई ईलाका प्रहरी कार्यालय कडरबोनाले नियन्त्रणमा लिएको छ । घट्नाको अनुसन्धान र संलग्न अन्य ब्यक्तिको वारेमा खोजतलास भईरहेको जिल्ला प्रहरी कर्यालय सप्तरीले जनाएको छ ।
।
ठेक्का लागेको पोखरीमा सोबिन्द्र पक्षले सहमति विना माछा मारेपछि अर्को पक्षले रोक्न खोज्दा विवाद भएको वडा अध्यक्ष अनोज कुमार यादवले जानकारी दिए । दुई पक्षबीच विवाद चर्किदै जाँदा झडपमा परि गंगीयाको मृत्यु भएको उनले वताए । वडाध्यक्ष यादवका अनुसार उनी सोविन्दरकी भाई बुहारी हुन्।
